home *** CD-ROM | disk | FTP | other *** search
/ The World of Computer Software / World_Of_Computer_Software-02-385-Vol-1of3.iso / d / docprep.zip / ZECHAR.TOB < prev   
Text File  |  1986-12-14  |  6KB  |  173 lines
  1. \bk ZEC
  2. \id TOBZEC.TXT   5 Sept 982
  3. \st
  4. NGA BUKA 'ATHA
  5. \mt
  6. SAKARAEA
  7. \s
  8. Tha Lord 'e ba'e uria to'a nia ki/keki oli 'isana
  9. \p
  10. \c 1
  11. \v 1
  12. 'Ila kwaula madami 'ana ruana fa ngali na tha Daraeas 'e kingi
  13. 'i Pasia, tha Lord ka falea si ba'ea na'i 'ifana nga profet
  14. thatana tha Sakaraea.
  15. Nga wane na'i nga kaluwane tha Barekaea na koko'o tha Ido.
  16. \v 2
  17. Tha Lord Sukwa'i ka Tatha 'e fa'arongoa tha Sakaraea kai
  18. sore'e 'isana figua ka 'una'eri, <<Ni nau tha Lord, ku raki'iri
  19. 'asia na'a uria maka maka kamulu'a ki mai 'i na'o.
  20. \v 3
  21. Sui 'i tara'ena ku sorea muki oli mai 'isaku, ma nau kwai oli uri
  22. kamulu'a.
  23. \v 4
  24. 'E a'i musi 'u'uria la'u maka maka kamulu'a ki mai 'i na'o.
  25. 'I na'o mai, nga profet nau ki kera falea ba'e laku 'ifada, keka
  26. una'eri, <Musi too ta'a!  Muki sui fa'isia!>
  27. Ma sui kesi rongo uri nau, ma kesi ade suli nau.
  28. \v 5
  29. Maka maka kamulu'a ki keka mae te'efau. 
  30. Ma profet 'eki la'u bo'o kesi maruki tekwa.
  31. \v 6
  32. Do'anitaa, nga wane ni raa nau ki nga profet 'eki kera falea
  33. si ba'ea fifii nau ki 'ifana maka maka kamulu'a ki ma kesi ade
  34. sulia.
  35. Ma sui kesi too na bo'o.
  36. Ma buriana keka manata akele ma keka sore'e 'una'eri, <Tha Lord
  37. Sukwa'i ka Tatha, ne falea kwa'e la 'ifakulu'a maana si doo
  38. ta'a 'eki na kulu ilia nabaa.
  39. Nia na ka fa'amamanea si doo baa ki nia 'e sorea.> >>
  40. \s
  41. Nga mosubolea 'ana hosi ki
  42. \p
  43. \v 7
  44. 'Ila ruana fa ngali na tha Daraeas 'e 'inoto, 'ana roo tafulu fa
  45. thato ma fai fa thato 'ana tafulu madami ma te'e madami, tha Lord
  46. 'e falea mai ba'e lana 'ifaku 'ana mosubolea 'afa rodo.
  47. \v 8
  48. Nau ku rikia ensel tha Lord 'e lae mai 'i fafona hosi memena'a.
  49. Nia ka takwe 'i ma'alutana 'ai ki 'ila kurua, ma 'i buriana tai
  50. hosi la'u ne memena'a ma ka mogalilia'a ma ka kwakwao'a.
  51. \v 9
  52. Kwa soeto'ona, <<Ara'i 'ena 'ae, nga taa ni bo'o na hosi 'eki 'e
  53. to'olangania neri?>>
  54. Nia 'e lu'ua ka 'una'eri,  <<Nau kwai fatania to'olanga'i lana
  55. 'isamu.
  56. \v 10
  57. Tha Lord ne arasida keki lae uria lio la kalia fanua na'i 'iano.>>
  58. \v 11
  59. Ma kera falea u'unu 'ifana ensel 'eri keka 'una'eri, <<Mili tathafia
  60. fanua na'i 'iano te'efau, mika fulato'ona fanua na'i 'iano 'e too
  61. bana 'ana enenoa me daununu.>>
  62. \p
  63. \v 12
  64. Sui nga ensel ka 'una'eri, <<Lord 'ae, 'oe no sukwa'i ka tatha, no
  65. lioteo 'ana 'i Jerusalem ma toaa susu na'i Juda ki sulia fiu
  66. tafulu fa ngali ki na'a.
  67. 'I angita na'a 'oko fatania tatakomia 'oe 'isada?>>
  68. \p
  69. \v 13
  70. Ma tha Lord ka lu'ua ensel 'eri 'asi ba'ea ni fa'ainamaruki la.
  71. \v 14
  72. Ma ensel 'eri ka fa'arongo nau kwai fa'ataloa si doo, na tha
  73. Lord Sukwa'i ka Tatha 'e sorea ka 'una'eri, <<Liothaua nau 'e
  74. kukuru, ma kwa laloma fa'ama'u sulia toaa susu abu nau 'i
  75. Jerusalem.
  76. \v 15
  77. Ma kwa raki'iri 'asia na'a uria kule'e to'a na'i thara na kera
  78. too 'ada 'ana enenoa.
  79. Uria si manga na ka raki'iri uria figua nau 'e fa'ekwa bana, ma
  80. kule'e to'a na'i keka labata'inia 'asia na'a to'a nau ki.
  81. \v 16
  82. Ade lana kwa oli mai uri Jerusalem kwai fatania tatakomia nau
  83. 'isana toaa susu 'eri.
  84. Keki thauwa'inia la'u bi'u nau, ma toaa susu 'eri keki tata'ea
  85. la'u.>>
  86. \v 17
  87. Nga ensel ka fa'arongo nau 'ania kwai fa'ataloa 'una'eri 'ania,
  88. <<Tha God sukwa'i ka tatha 'e sorea na nga toaa susu nia keki too
  89. le'a la'u, ma nia kai 'adomia la'u 'i Jerusalem ma kai alua toaa
  90. susu 'eri mala doo nia ni 'uu bo'o.>>
  91. \s
  92. Nga mosubolea 'ana nga susuke'e doo ki
  93. \p
  94. \v 18
  95. Ta mosubolea la'u kwa rikia fai susuke'e doo ki.
  96. \v 19
  97. Kwa soeto'ona ensel 'eri ne ngata bi nau, <<Nga taa ni bo'o na
  98. susuke'e doo 'eki 'e to'olangania?>>
  99. Nia ka lu'ua ka 'una'eri, <<Susuke'e doo 'eki 'e takwe uria
  100. kule'e to'a ki na kera tagalangania to'a 'i Juda ma 'i Israel ma 'i
  101. Jerusalem.>>
  102. \p
  103. \v 20
  104. Sui la'u tha Lord ka fatania ta fai wane 'isaku na kera ra'u'ania
  105. kwakwa'ea.
  106. \v 21
  107. Kwa soeto'ona, <<Taa na fai wane na'i ki kera lae mai uria ili lana?>>
  108. Nia 'e lu'ua ka 'una'eri, <<Kera lae mai uria fa'ama'u lada ma tari lada kule'e
  109. to'a ki na kera labatania fanua 'i Juda ma keka tagalongania
  110. to'a na'i 'iei ki.
  111. \s
  112. Nga mosubolea 'ana nga kwalo'e 'oko ni 'oloto'o
  113. \p
  114. \c 2
  115. \v 1
  116. Ta mosubolea la'u kwa rikia te'e wane fafia si kwalo'e 'oko ni
  117. 'oloto'o la 'i 'abana.
  118. \v 2
  119. Kwa soeto'ona, <<'O lae uri fei?>>
  120. Nia ka 'una'eri, <<Kwai 'oloto'ona 'i Jerusalem 'ana tekwa lana
  121. ma rereba'a lana.>>
  122. \p
  123. \v 3
  124. Sui la'u kwa rikia ensel ne ngata bi nau neri 'e fali kau, ka
  125. todaa te'e ensel ne fula la'u mai 'isana.
  126. \v 4
  127. Ma nia ka sore'e 'isana, <<Fita, 'oko fa'arongoa wane bi'i ba'ita
  128. lokoo fafia kwalo'e 'oko ni 'oloto'o 'i 'abana, nga figua na 'i
  129. Jerusalem kera 'oro 'asia na'a, ma manutharea kera ki la'u
  130. bo'o.
  131. 'E a'i si faarana keki thaakali kalia.
  132. \v 5
  133. Tha Lord 'e alangania, nia 'i tala'ana na thaakali 'ana era ne
  134. kalia toaa susu 'eri, ma nia kai too 'iei 'ana kwaga lana 'inotoa
  135. nia te'efau.>>
  136. \s
  137. To'a na kera too daa mai kera oli mai
  138. \p
  139. \v 6
  140. Tha Lord ka sore'e 'isana figua nia, <<Nau ku tagalonga'i kamulu'a
  141. 'asi kula ki sui bana.
  142. \v 7
  143. Sui ni kamulu'a to'a na mulu fula 'i Babilonia, muki oli na'a uri
  144. Jerusalem.
  145. \v 8
  146. Ta wane na kai labata'i kamulu'a kai labatania doo na ku ogoni
  147. 'ania.>>
  148. \p
  149. Ade lana tha Lord ka arasi nau kwai ngalia si fa'arongoa 'ifana
  150. kule'e to'a na kera labatania figua nia, ka 'una'eri,
  151. \v 9
  152. <<Tha Lord 'i tala'ana kai firu bi kamulu'a, ma to'a na mulu
  153. fafa'a-ulafu kera, keki labata'i kamulu'a.>> 
  154. Si manga na si doo 'eri 'e to'o, to'a ni sui bana keki
  155. thaito'omana na tha Lord Sukwa'i ka Tatha ne arasi nau mai.
  156. \p
  157. \v 10
  158. Tha Lord ka 'una'eri, <<Figua 'i Israel 'ae, muki nguu 'ana
  159. thalume la.
  160. Nau ku lae mai kwai too 'i ma'alutamulu'a.>>
  161. \v 11
  162. 'Asi manga 'eri kule'e to'a 'oro keki lae mai 'isana tha Lord ma
  163. keki too 'i bali nia.  
  164. Nia kai too 'i ma'alutamulu'a, ma muki thaito'omana nia ne arasi
  165. nau mai 'isamulu'a.
  166. \v 12
  167. Ma tha Lord ka filia la'u kwalafaa tha Juda 'ila fanua abu nia,
  168. ma Jerusalem nga toaa susu ne liothau 'ania ka talua toaa susu
  169. 'eki sui bo'o.
  170. \v 13
  171. Muki too eno 'i na'ofana tha Lord, uria nia kai sifo mai uria fanua
  172. na'i 'iano fa'isia nga fanua abu nia 'i thalo.
  173.