home *** CD-ROM | disk | FTP | other *** search
/ NetNews Usenet Archive 1993 #3 / NN_1993_3.iso / spool / soc / culture / german / 10389 < prev    next >
Encoding:
Text File  |  1993-01-28  |  3.8 KB  |  69 lines
  1. Newsgroups: soc.culture.german
  2. Path: sparky!uunet!news.univie.ac.at!hp4at!siemens.co.at!howdii
  3. From: howdii@patty.gud.siemens.co.at (Wolfgang Howdii Howurek)
  4. Subject: wienerisch dama redn
  5. Sender: news@siemens.co.at (Newssoftware)
  6. Message-ID: <1993Jan28.133034.16595@siemens.co.at>
  7. Date: Thu, 28 Jan 1993 13:30:34 GMT
  8. Nntp-Posting-Host: patty.gud.siemens-austria
  9. Organization: SIEMENS Austria Corp., A-1100 Wien, Gudrunstr. 11
  10. X-Newsreader: Tin 1.1 PL5
  11. Lines: 56
  12.  
  13. Griass eink, Haudi! 
  14. Haudi so wia "Raudi", nua mit "H" wia "Hawara". 
  15. No, wos is los Leitln, nix mehr wiener Blabla? Seids olle schdaad woan,
  16. oda hod eich de Hockn a sooo niedagrissn, dass ka Dseid ned hobds? I faschdeh
  17. scho, ma muass jo wos hackln aa, ned nua Schmaeh umanaundabostn.
  18. I bin scho gfrogt woarn, warum i nigs mea wienerisch gebosded hob, jo um
  19. Himmls Wuelln, i bin do ned da Modaratoa von de wiener Schpruech!
  20. Oba guat, entschuldign fuea de launge Kunstbause. Wos los is?
  21. Auf de Takn hods mi ghaud! Fiadsehn Dog laung! Fuachdboa! Des woa kaa Schbaas,
  22. kaun i eich sogn. Dseaschd hob i mi aungschbibn, was da Deigsl warum, und
  23. ollas hod ma weh taun. Olle Bana andsln! Ma hod jo goa ka Auhnung, wuevuel
  24. Bana a Mensch so hod. Und waun da de olle andsln wehtuan, haaaaawedeeeere!
  25. Und do redn so Deppn wia da Madatana vo Kraunkfeian! Dem hed i a aungfuelds
  26. Schbeibsackl schickn soin, "Schoenen Gruss vom Krankfeiern, Haudi".
  27. Und a poa Dog drauf hod mi de Influenza, de Gripp darwischd. Na seawas, des
  28. woa wos. A andsige Kakachdsarei, lauta Greana hob i obaschneidsd, haasrich
  29. woari, da Hois hod wehtaun, dass i nigs mea gschlofn hob, nechtelaung.
  30. Fuachdboa, wirkli! Na und auf Diaet hod a mi gsedsd, da Dokta. Nigs fett,
  31. nigs suess, keine Milch, kein Obst, kein Alkohol. Waasd, wos do uebrig-
  32. bleibt? Hofaschleim, Reisschleim, und Kamillntee. Da Kamuellndee is wenigst
  33. a bissl hantich, so wia a Pils, oba wiaklicha Ersots is des kana.
  34. I hed jo glaubt, dass des ollas dsaumm a grippaler Infekt is, wia ma sogt,
  35. de asiatische Grippe, wia de Leid sogn. Oba mei Hausoartst hod ma gsogt:
  36. "Nein, nein, das eine hat mit dem anderen nichts zu tun, wissen Sie,
  37. man kann Laeuse und Floehe zugleich haben, gewissermassen, natuerlich nicht
  38. Sie, ich meine die Laeuse und die Floehe." Na i wuell a mana, Leis und Fleh
  39. hob i jo wirklich ned.
  40. Uebrigens, da Hea Raedl woa a kraung. Dea hod oba nua a Gripp ghobt, es 
  41. Schbeibn und en Kamuellndee hoda si darschboad. Wiara wieda bein
  42. Puehringa, bein Otto, eanan Wiatn aufkreidsd is, hod da Hea Regierungsrot
  43. Marschits gsogt: "Der Herr Raedl, da sind Sie ja wieder in alter Frische!"
  44. Hod da Boecha Bepi, da Gaskassier gmaand, "jo, oba mea oid ois frisch!"
  45. Bei mia is des grodaso, i bin a mea oid ois frisch wieda do, i sids no
  46. imma midn Deehefarl do, mit an Kamuellndee, und mid dsaache Semmln.
  47. I hoff, des woar Entschuidigung gnua.
  48. Woads wea am Lichterlfesd, do in Wean? I hob jo leida ned kenna, weul i
  49. jo kraung woa, wia gsogt. Soi jo a muads Drara gwesn sein, mid Woodstock
  50. haumsas vaglichn, na echt total ualeiwaund soi des gwesn sein. De
  51. Tschuschnbend hod gschbueld, und da Ostbaun-Kurti, da Hea Doktor, da
  52. Andi Baum, da Alexanda Goebel, da Glotsate, wisds eh, dea mitn Fantom der
  53. Oper, und da Andi Lee Lang, der oide Racknrolla, hod aufgeigt, und und und...
  54. Schod, des hed i ma aa gean gebn, den Kuidurgenuss, de Atmospaere, und
  55. uebahaupt. Hoffentli san de ned nua wenga dera Pemparlmusi und wegnan
  56. Lichtlhoidn hingaungan, sunds hed ma jo a poa Oarmleuchter aa hinschdoelln
  57. kenna. Oba des is a haass Deema, des wissds jo soelba, de Grendsn dswischn
  58. "Sein" und "Schein" vaschwimman bei soiche Sochn leicht, und a jeda inta-
  59. pretiert daunn des eine, wos a gean hed.
  60.  
  61. Na, des wads daun wieda amoi, hoid, wos i no sogn woit - wia sogta imma,
  62. da Hea Raedl vo Radio Dsedeh? "Chanche braaf, weu chunch kummd de Bolidchei.
  63. Gruech Chi!"
  64.  
  65. Griass eink, es sads meine Hawara, bleibts gsund, i wuensch eich wos!
  66.  
  67. Haudi.
  68.  
  69.