Euskal bertsioa - Gotzon Egiak euskaratua <gegia@kultura.gipuzkoa.net>
Word Aurkitu eta ordeztu (jatorriz Word Search and Replace) Microsoft Word-eko doaneko makroa da, Word-ek berez aurkitu eta ordezteko darabilen tresna arruntaren bitartez fitxategi askotan batera testua aurkitu eta ordezteko balio duena.
GARRANTZIZKOA: Makro hau zure ardurapean erabili behar duzu. Ez dauka inolako erabilpen bermerik ez eta zure datuak gordetzeko segurtasun sistemarik. Badaezpada, tresna honekin erabili behar dituzun fitxategien kopia bat egin aurkitu eta ordeztu eragiketak EGIN BAINO LEHEN. Ez zaitez fio Word-en 'desegin' funtzioaz datuen segurtasuna zaintzeko, agian ez baitu balioko. Zalantzarik baldin baduzu, irakur ezazu lehenik License Agreement (ingelesez) atala.
Ikus Support Information atala, aurkitutako akatsak jakinarazteko.
Mesedez, ikus baita ere gainerako Funduc produktuak Windows-erako doaneko edo erdi doaneko tresnen berri izateko.
Beharkizunak:
* Makro hau erabili ahal izateko, Word programan makroak baimendu behar dira. Birusen aurkako babes gisa, jende askok Word-en makroak erabiltzeko funtzioa indargabetuta dauka. Begira ezazu zure Microsoft Word-eko eskuliburuan nola aldatu makroen baimenak. Word 2000n, jo Tresnak | Makroak | Segurtasuna atalera, eta hautatu "Ertaina" edo "Apala". Makroa lehenengo aldiz abiarazi aurretik, dokumentu hau birusen aurkako programa batez azter dezakezu, nahi izanez gero.
* "Aurkitu eta ordeztu dokumentu askotan batera" izeneko leihoaren ordez akats mezu bat ageri baldin bada, makro hau ezin da erabili. Word-eko bertsio batzuk ez dute makro hau erabiltzeko ezinbestekoa den VBA (Visual Basic for Applications) modulua. Word-eko edota Microsoft Office-ko azken bertsioa eskuratzea izan daiteke irtenbiderik onena.
