XLIII

Le trop bon temps trop de bonté royalle,/ Fais & deffais 
prompt subit negligence:/ Legiers croira faux d'espouse 
loyalle,/ Luy mis à mort par sa benevolence./

XLIV

Par lors qu'un Roy sera contre les siens,/ Natif de Bloye 
subiuguera Ligures,/ Mammel, Cordube & les Dalmatiens,/
De sept puis l'ombre a Roy estrennes & le mures./

XLV

L'ombre du regne de Xavarre non vray,/ Fera la vie de 
desort illegitime:/ La veu promis incertain de Cambray,/
Roy Orleans donra muy Iegitime./

XLVI

Vie sort mort de l'or vilaine indigne,/ Sera de Saxe non 
nouveau electeur:/ De Brunsvic mandra d'amour signe,/
Faux le rendant au peuple seducteur./

XLVII

De Bourze ville à la Dame Guyrlande,/ L'on mettra sus 
par la trahison faicte/ Le grand prelat de Leon par 
Formande,/ Faux pellerins & ravisseur deffaicte./

XLVIII

Du plus profond de l'Espaigne enseigne,/ Sortant du bout 
& des fins de l'Europe,/ Troubles passant aupres du pont 
de Laigne,/ Sera deffaicte par bande sa grand troupe./

XLIX

lardin du monde aupres de cité neufve,/ Dans le chemin 
des montagnes cavees:/ Sera saisi & plongé dans la cuve./
Beauvant par force eaux soulphre envenimees./