VIII

Index & poulse parfondera le front/ De Senegalia la 
Comte à son fils propre,/ La Myrnamee par plusieurs de 
print front/ Trois dans sept iours blesses mors./

IX

De Catillon figuieres iour de brume,/ De femme infame 
naistra souverain prince/ Surnom de chausses perhume 
luy posthume/ Onc Roy ne fut si pire en sa province./

X

Tasche de meurdre enormes adulteres,/ Grand ennemy de 
tout le genre humain,/ Que sera pire qu'ayeuls oncles, 
ne peres,/ En fer, feu, eau, sanguin & inhumain./

XI

Dessous Ionchere du dangereux passage/ Fera passer le 
postume sa bande,/ Les monts Pyrens passer hors son 
bagage,/ De Parpignan courira Duc à Tende./

XII

Esleu en Pape, d'esleu sera mocqué,/ Subit soudain esmeu 
prompt & timide,/ Par trop bon doux à mourir provoqué,/
Crainte estainte la nuict de sa mort guide./

XIII

Souz la pasture d'animaux ruminant/ Par eux conduicts au 
ventre helbipolique,/ Soldats cachez, Ies armes bruit 
menant,/ Non loing temptez de cité Antipolique./

XIV

Urnel Vaucile sans conseil de soy mesmes/ Hardit timide 
par crainte prins, vaincu,/ Accompagné de plusieurs 
putains blesmes/ A Barcellonne aux chartreux convaincu./