LXXXII

Ronge long, sec íaisant du bon valet/ A la parfin n'aura 
que son congie,/ Poignant poyson & lettres au collet/
Sera saisi eschappé en dangie./

LXXXIII

Le plus grand voile hors du port de Zara,/ Pres de 
Bisance fera son entreprise,/ D'ennemy perte & l'amy 
ne sera/ Le tiers à deux fera grand pille & prinse./

LXXXIV

Paterne orra de la Sicille crie,/ Tous les aprests du 
goulphre de Trieste,/ Qui s'entendra iusque à la 
Trinacrie,/De tant de voiles fuy, fuy l'orrible peste./

LXXXV

Entre Bayonne & à sainct Iean de Lux/ Sera posé de Mars 
la promotoire/ Aux Hanix d'Aquilon Nanar hostera lux,/
Puis suffoqué au Iict sans auditoire./

LXXXVI

Par Arniani Tholoser Ville Franque,/ Bande infinie par 
le mont Adrian,/ Passe riviere, Hutin par pont la 
planque/ Bayonne entre tous Bichoro criant./

LXXXVII

Mort conspiree viendra en plein effect,/ Charge donnee & 
voyage de mort/ Esleu crée, receu par siens deffait,/
Sang d'innocence devant for par remort./

LXXXVIII

Dans la Sardaigne un noble Roy viendra,/ Qui ne tiendra 
que trois ans le Royaume,/ Plusieurs couleurs avec soy 
conioindra,/ Luy mesme apres soin sommeil marrit scome./