XXXIII

Le grand naistra de veronne & Vicence./ Qui portera un 
surnom bien indigne/ Qui a Venise voudra faire 
vengeance./ Luy mesme prins homme du guet & signe./

XXXIV

Apres victoire du Lyon au Lyon/ Sus la montagne de Ivra 
Secatombe,/ Delves & brodes septiesme million,/
Lyon, Ulme a Mausol mort & tombe./

XXXV

Dedans l'entree de Garonne & Bayse,/ Et la forest non 
loing de damazan,/ Du marsaves gelees, puis gresle & 
bize/ Dordonnois gelle par erreur de Mezan./

XXXVI

Sera commis conte oindre aduché/ De Saulne & sainct 
Aulbin & Bel l'oeuvre/ Paver de marbre de tours loing 
espluche/ Non bleteran resister & chef d'oeuvre./

XXXVII

La forteresse aupres de la Tamise/ Cherra par lors, Ie 
Roy dedans serré,/ Aupres du pont sera veu en chemise/
Un devant mort, puis dans le fort barré./

XXXVIII

Le Roy de Bloys dans Avignon regner./ Une autre fois le 
peuple emonopolle,/ Dedans le Rosne par mer fera 
baigner/ lusques a cinq le dernier pres de Nolle./

XXXIX

Qu'aura esté par Prince Bizantin./ Sera tollu par Prince
de Tholouse:/ La foy de Poix par le chef Tholentin/
Luy faillira, ne refusant l'espouse./