LXX

Au chef du monde le grand Chyren sera,/ Plus outre 
apres aymé, craint, redouté:/ Son bruit & lors les cieux
surpassera,/ Et du seul tiltre victeur fort contenté./

LXXI

Quand on viendra le grand Roy parenter/ Avant qu'il ait 
du tout l'âme rendüe,/ Celuy qui moins le viendra 
lamenter,/ Par Lyons, d'Aigles, croix, couronne vendüe./

LXXII

Par fuerur fainte d'esmotion divine/ Sera la femme du 
grand fort violee/ luges voulans damner telle doctrine./
Victime au peuple ignorant immolee./

LXXIII

En cité grande un moyne & artisan,/ Pres de la porte 
logez & aux murailles,/ Contre Modene secret, cave 
disant,/ Trahis faire sous couleur d'espousailles./

LXXIV

La dechassee au regne tournera,/ Ses ennemis trouvez 
des coniurez:/ Plus que iammais son temps triomphera,/
Trois et septante a mort trop asseurez./

LXXV

Le grand pilot par Poy sera mandé,/ Laisser la classe 
pour plus haut heu attaindre:/ Sept ans apres sera 
contrebandé,/ Barbare armee viendra Venise craindre./

LXXVI

La cité antique d'antenoree forge,/ Plus ne pouvant le 
tyran supporter:/ Le manche fainct au temple couper 
gorge,/ Les siens le peuple à mort viendra bouter./