LXIII

La dame seule au regne demeuree,/ L'unic estaints premier 
au lict d'honneur,/ Sept ans sera de douleur explorée,/
Puis longue vie au regne par grand heur./

LXIV

On ne tiendra pache aucune arresté,/ Tous recevans iront 
par tromperie,/ De paix & tresve, terre & mer protesté,/
Par Barcelone classe prins d'industrie./

LXV

Gris & bureau demie ouverte guerre,/ De nuict seront 
assaillis x pillez,/ Le bureau prins passera par la 
serre,/ Son temple ouvert, deux au plastre grillez./

LXVI

Au fondement de la nouvelle secte,/ Seront les os du 
grand Romain trouvez,/ Sepulchre en marbre apparoistra 
couverte,/ Terre trembler en Auril, mal enfoürez./

LXVII

Au gran Empire parviendra tout un autre/ Bonté distant 
plus de felicité:/ Regi par un issu non loing du 
peautre,/ Corruer regnes grande infelicité./

LXVIII

Lors que soldats fuerur seditieuse,/ Contre leur chef 
seront de nuict fer luire:/ Ennemy d'Albe soit par main 
furieuse,/ Lors vexer Rome, & principaux seduire./

LXIX

La pitié grande sera sans loing tarder,/ Ceux qui 
donnoient seront contraints de prendre:/ Nuds, affamez 
de froid, soif, soy bander,/ Les monts passer commettand 
grand esclandre./