LXXXVI

Pat les deux testes, & trois bras separés,/ La cité 
grande par eaux sera vexee:/ Des grand d'entr'eux par 
exil esgarés,/ Par teste Perse Bisance fort pressee./

LXXXVII

L'an que Saturne hors de servage,/ Au francs terroir 
sera d'eau inondé:/ De sang Troyen sera son mariage,/
Et sera seur d'Espaignols circondé./

LXXXVIII

Sur le sablon par un hideux deluge,/ Des autres mers 
trouvé monstre marin:/ Proche du lieu sera faict un 
refuge,/ Tenant Savonne esclave de Turin./

LXXXIX

Dedans Hongrie par Boheme, Navarre,/ Et par banniere 
sainctes seditions:/ Par fleurs de lys pays portant 
la barre,/ Contre Orleans fera esmotions./

XC

Dans les Cyclades, en Perinthe & Larisse,/ Dedans 
Sparte tout le Peloponnesse:/ Si grand famine, peste 
par faux connisse,/ Neuf mois tiendra & tout le 
cherronesse./

XCI

Au grand marché qu'on dict des mensongiers,/ Du tout 
Torrent & champ Ahtenien:/ Seront surprins par les 
chevaux legiers,/ Par Albanois Mars, Leo, Sat, un 
versien./

XCII

Apres le siege tenu dix sept ans,/ Cinq changeront en 
tel revolu terme:/ Puis sera esleu de mesme temps,/
Qui des Romains ne sen trop conforme./