LXXXV

La charbon blanc du noir sen chaffé,
Prisonnier faict mené au tombereau:
More Chameau sus pieds entrelassez,
Lors le puisné sillera l'aubereau. 

LXXXVI

L'an que Saturne en eau sen conioinct,
Avesques sOI, le Roy fort et puissant,
A Reims & Aix sera receu & oingt,
Apres conquestes meurtria innocens. 

LXXXVII

Un fils du Roy tant de languages apprins,
A son aisné au regne different:
Son pere beau au plus grand fils comprins,
Fera perir principal adherant.

LXXXVIII

Le grand Antonie du nom de faict sordide,
De Phthyriaise à son dernier rongé:
Un qui de plomb voudra estre cupide,
Passant le port d'esleu sera plongé. 

LXXXIX

Trente de Londres secret coniureront,
Contre leur roy, sur le pont l'entreprinse:
Luy fatalites la mort desgousteront,
Un Roy esleu blonde, natif de Frize. 

XC

Les deux copie aux murs ne pourront ioindre
Dans cest instant trembler Milan, Ticin:
Faim soif, doutance si fort les viendra poindre
Chair, pain, ne vivres n'auront un seul boucin.