LXV

Quand le sepulchre du grand Romain trouvé.
Le iour apres sera esleu Pontife,
Du Senat gueres il ne sera prouvé,
Empoisonné, son sang au sacré scyphe.

LXVI

Le grand Baillif d'Orleans mis à mort.
Sera par un de sang vindicatif:
De mort merite ne mourra que par sort,
Des pieds & mains malle faisoit captif.

LXVII

Une nouvelle secte de Philosophes.
Mesprisant mort. or, honneurs & richesses,
Des monts Germains ne seront limitrophes,
A les ensuyvre auront appuy & presses.

LXVIII

Peuples sans chef d'Espaigne d ltalie,
Morts, profligez dedans le Cheronese.
Leur dict trahy par legere folie.
Le sang nager par tout à la traverse.

LXIX

Grand exercite conduict par iouvenceau.
Se viendra rendre aux mains des ennemis,
Mais le vieillard nay au demi pourceau,
Fera Chalon & Mascon estre amis.

LXX

La grande Bretaigne comprinse d'Angleterre
viendo par eaux si baut inonder
La Ligue neuve d'Ausonne fera guerre,
Que contre eux ils se viendront bander.