LXXV

La voix ouye de l insolit oyseau
Sur le canon du respiral estage
Si haut viendra du froment le poisseau
Que l'homme d'homme sera Antropophage

LXXVI

Foudre en Bourgogne fera cas portenteux.
Que par engin oncques ne pourroit faire,
De leur senat sacriste faict boiteux.
Fera sçavoir aux ennemis l'affaire.

LXXVII

Par arcs feux, poix & par feux repoussez,
Cris hurlements sur la minuit ouys:
Dedans sont mis par les rempars cassez,
Par canicules les traditeurs suys.

LXXVIII

Le grande Neptune du profond de la mer.
De gent Punique et sang Gaulois meslé:
Les Ifles à sang pour le tardif ramer.
Plus ley nuira que l'occult mal célé.

LXXIX

La barbe crespe & noire par engin,
Subiuguera la gent cruelle & fiere:
Le grand Chiren ostera du lungin.
Tous les captifs par Seline baniere.

LXXX
Apres conflict du lesé l'eloquence,
Par peu de temps se trame faint repos;
Point l'on n'adment les grands à délivrance,
Des ennemis sont remis à propos.