XCVII

Ce que fer, flamme n'a sçeu parachever.
La douce langue au conseil viendra faire:
Par repos, songe, Ie Roy fera resver,
Plus l'ennemy en feu, sang militaire.

XCVIII

Le chef qu'aura conduict peuple infini
Loing de son ciel, de meurs & langue estrange
Cinq mil en Crete & Thessalie finy,
Le chef fuyant sauvé en la marine grange.

XCIX

Le grand monarque que fera compagnie
Avec deux Roys unís par amitié:
O quel souspir fera la grand mesgnie,
Enfans Narbon a l'entour, que pitié.

C

Longtemps au ciel sera veu gns oyseau,
Aupres de Dole & de Toscane terre:
Tenant au bec un verdoyant rameau
Mourra tost grand et finira la guerre.

I

Vers Aquitaine par insuls Britanniques
De par eux mesmes grandes incursions:
Pluyes, gelees feront terroirs iniques,
Port Selyn fortes fera invasions.

II

La teste blue fera la teste blanche
Autant de mal que France a faict leur bien:
Mort a l'anthene, grand pendu sus la branche,
Quand prins des siens le Roy dira combien.